Select Page

Achi Qismat Ki Dua?
Qismat do tarah ki hoti hai. Ek qismat aisi hai jismein insaan majboor mahaz hai aur yeh qismat tabdeel nahi ho sakti. Yani koi insaan chahe ya na chahe woh apne peda hone ka waqt, maut ka waqt, aur muqaddar mein likhe gaye rizq mein kami nahi kar sakta. Aisi taqdeer mein har insaan majboor mahaz hai. Jabke doosri qism ki qismat mein insaan ko kuch hud tak azadi hai. Woh apni mehnat aur koshish ke zariye apni nakami ko kamiyabi mein badal sakta hai aur apne rizq mein izafah bhi kar sakta hai lekin kami nahi kar sakta. Yani insaan ke muqaddar mein jo rizq likha gaya hai, woh insaan talash kare ya na kare, woh us tak pahunch jayega. Isme kami ka ikhtiyar kisi bhi insaan ke hath mein nahi. Lekin insaan is rizq mein mehnat ke zariye izafah kar sakta hai, aur yeh kaam insaan ke ikhtiyar mein bhi hai, aur mehnat se rizq kamane ka hukm bhi hai, aur yeh aeen ibadat bhi hai. Lekin baaz insaan aise dekhe gaye hain jo din raat mehnat mazdori karte hain lekin woh paisa jama karne mein kamiyab nahi hote, balki unhe zindagi ke har maidan mein nakami aur har kaam mein rukawat ka samna karna parta hai. Aisa khair o barkat ki kami ki wajah se hota hai, aur khair o barkat mein kami ki wajah hamara hi koi na koi amal ya ghalti hoti hai. Is liye zyadatar log tamam zindagi apni nakami ki wajah dosron mein talash karte hain lekin hum mein se koi bhi shakhs apne amal ki taraf tawajju nahi deta. Is liye zindagi mein bay shumar nakamiyan dekhne ke baad shakhs ke zehan mein qismat badalne ka khayal paida hota hai aur agar koi shakhs apni qismat badalna chahta hai to sab se pehle apne amal ko sahi kare. Aur uske baad Asma-e-Azam “Allah Al-Samad” ka wazifa kare. InshaAllah agar koi shakhs buri qismat ka hamil hai to uski qismat Allah ke hukm se achi ho jayegi.

Iss article ko Urdu me Read Karne k liye Click Here

Achi Qismay k Fayde

Achi taqdeer ke insaan ko zindagi mein bay shumar faiday hasil hote hain jin mein chand faiday darj zail hain:
Achi taqdeer ki wajah se insaan ko zindagi mein hamesha kamyabi milti hai.
Insaan ko bay hisaab rizq aur paisa hasil ho jata hai.
Achi taqdeer ki wajah se insaan ko mohabbat aur izzat hasil hoti hai.
Achi taqdeer ki wajah se insaan nuqsaanat aur hadsaton se bach jata hai.
Achi taqdeer ki wajah se insaan ko bimari se shifa milti hai.
Achi taqdeer ki wajah se fard ko aulaad milti hai.
Achi taqdeer jeet ki wajah banti hai.
Achi taqdeer ke hamil afrad ko koi dhoka nahi de sakta.
Achi taqdeer insaan ki zindagi mein khushhali lati hai.
Achi taqdeer ki wajah se fard ko wafir paisa aur khushi hamesha milti hai.
Achi taqdeer jald hasil karne ke liye fard ke amal ka durust hona aur Allah ki bargah mein musalsal dua be had ahem hai. Is liye hum ne neeche aap ko Ism-e-Azam dua ka ek aasaan wazifa bataya hai jiski barkat se aap Allah ke karam se apni taqdeer ko jald behtar kar sakte hain.

Achi Qismat ki Dua Wazifa

allah hu samad

Qismat badalnay ka wazifa Ism-e-Azam “Allah Hu Samad” hai. To agar koi bhai ya behan chahte hain ke unki qismat Allah ke karam se badal jaye aur unhein kamiyabiyan hasil ho, to woh 12 din tak Ism-e-Azam “Allah Al-Samad” ka wazifa karein. Allah Hu Samad ka wazifa karne ke liye, aap Jumma ke din Isha ki namaz ke baad awwal aur aakhir mein 10-10 martaba Durood Sharif parhein aur darmiyan mein aap dono nawafil namaaz Hadiya Muhammad Al-e-Muhammad is tarah ada karein ke in dono nawafil mein aap Alhamd Sharif ke baad 3-3 martaba Surah Al-Ikhlas tilawat karein. Nawafil ada karne ke baad aap Surah Al-Ikhlas is tarah tilawat karein ke jab aap Surah Al-Ikhlas ki aayat mubarak “Allah Hu Samad” par pahunchen to aap is Ism-e-Azam ko 3000 martaba parhein. Iske baad aap Surah Al-Ikhlas ki baqi ayaat tilawat karein. Isi tarah 3 martaba Surah Al-Ikhlas tilawat karni hai aur yeh amal aap ne 12 roz tak jari rakhna hai. InshaAllah 12 roz se pehle aap ke liye Ism-e-Azam ka roohani fazilat jari ho jayega jiski wajah se aap ko khairo barkat hasil hone lagegi aur khairo barkat hi asal qismat hai. Is liye jo bhi kaam aap mein hath daalenge, aap ko kamiyabi hasil hogi. Nafrat, ghurbat, bimari, dushman, kala jadu, aur har qisam ki pareshani aap se hamesha ke liye door hone lagegi aur aap ko wafir paisa bhi hasil hone lagega. Ism-e-Azam “Allah Al-Samad” ke fazail jan’ne ke liye neeche mojood button par click karein aur mazeed rehnumai ke liye aap Amina behan se rabta kar sakte hain.

Apne Khawab ki Tabeer Aur Pareshani Ka Hal Hasil Karne k liye Amna Behan Se Rabta Krain .

Amna Behan Whatsapp

+92 306  3441786